Aðstaðan

​

Tjaldsvæðið í Tungudal er á fallegum stað inn af Ísafirði sem stundum er kallaður paradís vestursins. 
 
Staðurinn er einstaklega skjólsæll og fagur, Bunárfoss gnæfir yfir tjaldsvæðinu og áin rennur í gegnum svæðið og skiptir því í tvo hluta, annar hlutinn er ætlaður húsbílum, hjólhýsum og tjaldvögnum og hinn hlutinn er ætlaður tjöldum.
 
Tvö þjónustuhús eru á svæðinu, í þeim er að finna móttöku, snyrtingar, sturtur, skiptiborð, þvottaaðstöðu, eldhús og þráðlaust netsamband. Aðgengi að salerni og sturtu er fyrir hreyfihamlaða.
 
Á svæðinu má finna leiktæki fyrir börn og grillaðstöðu. Gestir geta notið náttúrunnar með göngu um dalinn eða Tunguskóg sem liggur við tjaldsvæðið. Þá er 9 holu golfvöllur í túnfætinum.
 
Tjaldsvæðið er í um fjagra kílómetra fjarlægð frá miðbæ Ísafjarðar þar sem stutt er í stórmarkaði, sundlaug og bensínstöðvar.